Motete t'o Vico de Sant Chusé

Dende a Redolada de l'Aranda
En baxo ta tierra plana
Y cuan plego ta la ciudat
Veigo una gran barbaridat
¡Que han feito ista anyada
Zaragoza ye bien cambeada!
Plego ta l'ature d'o tren
Y me trobo con chovenalla
Que han de marchar t'Alemania
Malas estudiar muito perén
No bi'n ha botigas ta mercar
No bi'n ha que Puerto Venecia
Perque isto ya parexe Grecia
As botigas d'o vico han de trancar
Y si te han dexau sin de diners
Dile ne a o mosén que t'aduye
Que no bi'n ha Servicios Socials
Pero esperanza resta encara
As carreras son plenas de chen
Que t'o sistema plantan cara
Plegar t'o vico ye una agonía
He tardau más d'una hora
Que bi ha menos bus agora
No bi'n ha ciudat que t'o tranvía
Un estadio asti queriban fer
T'o equipo de futbol d'a ciudat
Pero ya no bi'n ha necesidat
Perque o equipo no fa que perder
Chuflainas y tambors siento tanyer
Y os buxos d'o Danze trucar
As millors mudanzas voi a veyer
Y ta rematar a tardi bien
en iré ta Radio La Granja
Luitadora y fura como perén
Asinas remato iste motete
Que teniba ganas de fer-te
Ta dicirte bellas cosetas
Unas feas y atras majetas
Aspero li haya cuacau a vustet
¡Entalto lo vico de San Chusé!

                                      Autor: Chorche Pelletero © Danze de San José. Todos los derechos reservados